مشتاق لمصر ... بقلم / محمود وحيد
مشتاق لمصر
بقلم / محمود وحيد
مشتاق لصورة مصـــــر
ترجع كما كانت
...
مصر اللى طول عمرها
للظلم ما مالت
الراية راية حـــــــــــق
والهامة مرفوعة
والعزة كلمة صــــدق
للدنيا مسموعة
مصر الشهامة والكرامة
والسلام مبدور
مصر السلامة والصرامة
والكلام من نور
مصر المحبه باهلهــــــا
والايد بتحضن ايد
مصر الطيابة بشعبهــــا
دم فى كل وريد
مصر بنضارة زرعهــــــــا
متعطرة رياحيــن
مصر بحضارة ارضهـــــــا
متسطرة دواوين
مصر المروءة والنبـــــوءة
مسجد ودير عبـــاد
مصر الطوائف كلهـــــــــا
فى الشدة خير اجناد
مصر اللى دايما اسمهـــا
خالد بامـــــر الله
مصر اللى باقى ذكرهــــا
قران وطه تــلاه
مصر الشهادة والعبــــادة
والرجال أعلام
مصر القيادة والسيـــــادة
والنضال إسلام
مصر المنارة بعلمهــــــــا
مصر الجسارة بشعبهــــا
مصر الطيابة بأرضهــــــــا
مصر الكرامة بحبًهــــــــــا
مشتاقلهـــــــــــــــــــــا
محتاجلهـــــــــــــــــــــا
ترجع ويرجع حضنهــــــــا
ترجع صورتها لاهلهـــــــا
ذى ما كانت
ليست هناك تعليقات