حبيتك وكرهتك : بقلم / محمد الشرقاوى

حبيتك وكرهتك

حبيتك لما كنتي طاهرة

جسم رشيق كالمهرة

عيون بريئة

وخدود من الخجل حمرا

لسان كلامه كالشهد

وشفايف بعسلها ناضجة

حبيتك لما اترجيتي

وبكي الشوق بعنيكي

تعالا طالت السفرة

رميت مشاغلي وجيتك

عملت لك قلبي بيتك

وجوة عنية حطيتك

وسقيتك عشقي خمرة

خسارة

معدش في بكرة

كرهتك لما اتملكتي

واتمكنتي واتبدلتي

ومليون مكيدة دبرتي

اتاريكي في الصل افعي

تضحك وتلدغ في ثانية

وتدور علي فريسة تانية

ولسة فريستك الأولي

محتفظة بيها في الجرة

محنطة تنفع بكرة

لاء خلاص بقي انسي

سحرك بطل مفعوله

ووجودك معدش له لزمة