بكرة جَيْ بقلم : سامح لطف الله

زي نور الشمس جَيْ
يملا كُل عنيكي ضَيْ
الربيع هيزور بلادي
والفقير ما عنده شَيْ
***
ف البساطة ما له زَيْ
يملا دارنا خير وِفَيْ
شايفه بكرة أحْلي واحْلي
نيل بيجري بخير وِمَيْ
***
مين في قلبه نار علَيْ؟
مين هيرْوي شِفَافِي رَيْ؟
مبن يكون لك مين يخونك؟
مات شهيدي ما قُلت أَيْ
***
شفتوا مصر ليها زَيْ؟
تسرقوها وليه يا خَيْ؟
ينهبوها سنين آلاف
لسه قلبك يرضه حَيْ
***
مين بِيلْوي كلامه لَيْ؟
مين بيهرب من عِـنَيْ؟
مين يخبي النور ف دقن؟
وياكلوا زادي حتي نَيْ
***
غصب عنكو بكرة جَيْ
نور ينوَّر كل حَيْ
لو تحاولوا تطفوا شمسي
يملا قلبي كله ضَيْ