بحبك بقلم : حسام الريس

بحبك

ـــــــــــــــــــــــ

بحبك يا نور عيني

وفى قلبي ليكي

قد الجبال ود

بحبك حتى اسألي

حروفي وكلامي

اللي كله شوق

والتياع ووجد

واسألي همسي

وطير حنيني

وقمر سهران

معاه ببعتلك هيامي

في ليالي السهد

وشوق كبير غيرلي حالي

شغل فكري وبالى

خلاكي غنوتي وموالي

بحبك وحبي ليكي جنون

قدامه طريق حرمان

وبحار عذاب

ومليون حد

بحبك يا أميرتي

يا للي انتى كلى مالكة

وفى كوني غيرك

مش شايف حد

يا توأم روحي

وكل عمري

يا للي قربك

هو السعد

بحبك حب

استحالة يكون

مكان يجمعنا

جنة ندخلها

نور قلوبنا يغمرها

فرحة تسكنا

كنار يغنيلنا

بحبك حب

قدر ووعد

أنتي ليه حبيبة

مهما طال البعد

بحبك طوفان

عايز يزيل السد

وبجناح اللهفة يجيلك

وجوا كي اتخبيه

يا أم خدود ورد

حب بيتمنى

يقتل غول

شتات اليوم والأمس

بحبك والجنون مشواري

مدام الفراق

عنواني ودارى

بحَبك وبحُبك

بقيت تايه مجنون

ده كلام عاشق

بيقول سر

يمكن يوصلك

ويمكن يبقى مجرد كلام

في قصيدة شعر

أنات قلم

حسام الريس