عايش عايش و مستنى عايش و متأنى عايش و غصب عنى بيهد الزمن فيا وبرضه ادوب انا فيه و باصبر و باغنى و الف شعر كمان ليه و اقوله يلى بقيت مليان انانيه يقولى ما انت اللى ماليه اقوله ظالمنى ده انا الظلم جننى يقولى ما انت يا انسان على نفسك اللى راضيه اقوله مش بيدى انا مفيش شىء عندى و عاوزك تعذرنى علشان خاطر بنتى و لا ابنى يقولى مليش فيه ما هو من يوم ما خلقك و هو ضمن رزقك بس انت ترضيه اقوله افهمنى انا ماشى متغمى و راضى و شايل همى و سامع اهانتى و ضايعه هنا كرامتى و الذنب مش ذنبى يقولى يا مصيبتى ده ربك فى القران قالك "انت هنا خليفتى" و الكون ده علشانك و كل ما فيه خدامك علشان بس تعبدنى لكن انت لغيت كتير عقلك و عشت راضى بجاهلك اهو ربك اتجاهلك و قالك دوق الظلم من مخلوق زيه زيك و قولى دلوقتى انت واخد حقك؟ انت عايش وقتك؟ و لا حياتك بقت كذبه و مليانه من بره و من جوه بقت فاضيه انت يا زمن قاسى كده عليا و حاسس ان كل كلامك كانك شمتان فيا لا يا ابن ادم انت اللى غرتك الدنيا و نسيت انها فانيه و عمرك فيها مكتوبلك و كل ما فيها و فيك يوم القيامه ليشهد عليك ليشهدلك يبقى ليه تعيش على الفاضى و تخاف تقول الحق مع ان مفيش غيره هو القاضى ترضيه يقف جنبك تعصاه يزيد همك فيا ريت تلحق نفسك و تشوف ايه اللى ناقصك و كمله من تانى لو خلص فى يوم عمرك و انت مستنى غيرك يشيل عنك هتكون انت الجانى فى يوم لا ينفعك مال و لا بنون و لا فيه سجان و لا سجون و لا اهى عيشه و تهون دى حل من اتنين يا فى جنة و نعيمها يا نار و يا طول عذابها و جحيمها وفاء
ليست هناك تعليقات