تسألني هواجسي بقلم / ابراهيم الغنيمي

تسألني هواجسي بألحاح --------- ماذا يحمل الغد لينا

ربما لا اكون في ارتياح ---------------- لضياع كل امانينا

اخبرها عن حالي الحزين -------- واللي بتشوفه عينينا

اد ايه الواحد مسكين --------- وعلي الجبين باين علينا

بنضحك ضحكة مرسومة ---------- لنسعد اللي حوالينا

والجروح جوه مقسومة ------- في القلب ومين يداوينا

يا هواجسي هان الزمن ------------- وياريت كان بأيدينا

لا لينا سعر ولا تمن ------------ وزي اللي انكتب علينا

نعيشوا حلمنا البعيد ------------- ياقظين ومين يصحينا

علي الفراق العنيد ---------------- انه يقتل الأمل فينا

وتموت كل الذكريات ---------------- وما يبقي الا تعازينا