تحبينى : بقلم / سميــره الأســريجــى

تحبنى

لاء ماافتكرش

الحب عمره مايبقى غش

الحب ملوش غير وش واحد

وانت ليك ميت الف وش

اظهر كده ماتنكسفش

بانت حققتك كلها ومااختفتش

قلبى انا يقدر يميز الوشوش

يقدر يفرق بين ملايكه وبين وحوش

بين قلوب صافيه وبريئه 

وقلوب تانيه مابتنبضش

انا كنت واثقه ان قلبى هايكشفك

الخداع والكدب صوره بتوصفك

اصل المشاعر مش كلام

ولالمس ايد ولا ابتسام

اصل المشاعر وصفها لحظت غرام

توصف وتكشف نفسها بصمت الهيام

تقول للدنيا كلها بحبهامن غير كلام

قدمت فيك انا شكوتى لقاضى الغرام

يحكم ويسمع كلمتى ويحكم قوام

ان انت قلبك يستاهل حكم الاعدام

--------------

سميره الاسريجى

ماما نونه