"انا مش ناسيكى"بقلم /حلمى قاسم

"انا مش ناسيكى"
*******
مهما تاخدنى سنين الغربه
راح ارجع تانى
عمرى يا بلدى ما كنت
ف يوم لهواكى انانى
وكل دقيقه تعدى ف بعدك
شوقى بيكبر
واما باحاول انسى الاقينى
اشتاق لك اكتر
انا مش ناسى طفولتى
ولعبى زمان ف ترابك
ولامش ممكن غربه تاخدنى
واتوه عن بابك
مش بأيديا انا ابعد عنك
واهجر حضنك
اكل العيش والرزق يا امي
خدوكى من ابنك
عايز اقول لك ان عنيكى
كتير وحشانى
ونفسى يا غاليه الملم نفسى
واعود لك تانى
********
بقلم /حلمى قاسم