الفين طظ ....... بقلم / محمد توفيق
بقلم / محمد توفيق
طظ فيك
والفين طظ
...
لما الدم المصرى يهان
ويبقى الشهدا فى كل مكان
يبقى اسمحلىّ بأنى اقولك
طظ فيك وفى الاخوان
والفين طظ
-------------
لما الكوره فى يوم تتسيس
ويبقى الحُكم لكيف الريس
ونهدم حصن القضا بغبوتك
وتكممنا انت وعشيرتك
يبقى اسمحلىّ ساعتها اقولك
طظ فيك
والفين طظ
------------------
لما يكون رايك من راسك
ومبتسمعشى الا لعشيرتك
ومبتسعشى الا لناسك
وتكون راسك ذى مداسك
بترقعها بمليون رقعه
رأى بديع او حتى الشاطر
ولاخوانك ديماً طايع
يبقى اسمحلىّ بأنى ساعتها
اقولك طظ
والفين طظ
------------------
لما تبيع مصرنا قطاعى
بصكوك واهيه وبدون داعى
بضيعها وتضيعنا
واحنا رعايا وانت الراعى
يبقى ساعتها اسمحلىّ اقولك
طظ فيك
والفين طظ
----------------
لما اشوفك مع اعداءنا
وبتسمع كل اللى خدعنا
ولا همك مصر اللى بتولع
وبدون فهم هتولعنا
يبقى اسمحلىّ بأنى اقولك
طظ فيك
والفين طظ
------------------
فات سنتين على الثوره بحالها
واخترتاك لجل تكملها
وكان حلمنا ان انت تصنها
وكل مطالبها تحققها
لكن وضح ان انت ضعيف
وكلامك كله تخريف
ووعودك وبدون توضيح
ذى ما خرجت خدها الريح
علشان كده لازم اقولك
طظ فيك
ومليون طظ
ليست هناك تعليقات