مات الحلم .... بقلم / حلمي قاسم

بقلم / حلمي قاسم

 

مات الحلم"
*********
مكتوب علينا نعيش كده
واللى احنا فيه نصبح نبات
حتى الأمل حبله انقطع
... والحلم قبل ما يتولد
جوانا مااااااااااااااااااااات
اااااااااه يا بلـــــــــد
ياللى اتخدعنا ف ثورتك
كـــــــــم مــــــــــن ولد
ضحوا ف سبيل حريتك
حـــــــــريتك!!..
طب هيا فين حــــــــريتك؟!
ماتت خلاص واتكسرت
فوق الشفايف بسمتك
مفضلشى فيكى غير دموع
وحبة الـــــــم ويا الانين
واهه ساكنه ف الضلوع
اااااه منك انتى يا ام البلاد
طبعك غريب غاويه العناد
مش عايزه ليه تتقدمى
وتملى لابسه توب حداد
العيب فى مين يا اهل البلد
فى اللى انقتل وراح بلاش
ولا ف اللى عاش دوره مجاش
مكتوب علينا نعيش كده
واللى احنا فيه نصبح نبات
مات الكلام فوق اللسان
مفضلشى فينا غير سكات
ااااااااه يا بلد غاويه حكايات
دا الحلـــــم قبل ما يتولد
جـــــــــــــواكى ماااااااااااات