قالو فى الأمثال : بقلم / موسى عثمان

Unknown 8:22:00 م شعر

موسى عثمان‏

قالو في الامثال ( حلمنتيشي ) موسى عثمان

قالو في الامثال

*********

مش كل من ركب كلام ................... شاعر

ولا كل من ركب الحصان................... خيال

*

كلمه وخدها مني م الاخر

افهم اصول الشعر وابقى تعال

مش كل حاجه تهف في دماغك

تجري على الورقه وهب ......تكتب مقال

صعبان عليا الشعر متبهدل

والقافيه متبهدله والوزن صابه الهزال

*

دا الشعر لو كان بشر

كان من حياته استقال

*

وعشان لمحت الخطر

اسمحلي اسأل سؤال

*

هوا الورق لو نطق كان يرضى باللي اتقال

عمال تشخبط عليه بكلام يشيب عيال

*

مش كل من سب الاصيل راجل

ولا كل ما جه ع اللسان يتقال

افهم اصول الادب وكفايه لعب عيال

شوفت في كلامك عجب

فبلاش بقى استهبال

وخلاصة اللي اتكتب ان والرجال افعال

والشعر عبره وصور

بنلاقي فيها البدع

اصل الصور اشكال

*******

ليست هناك تعليقات

الاشتراك في: تعليقات الرسالة ( Atom )