قطر الندامة ,,,, بقلم / سميرة الاسريجي

بقلم / سميرة الاسريجي

 

قطر الندامه
--------------
مسكين ياعينى الجدع
حلمه انهرس وياه
ركب قطر الندامه
... وحاجات كتير جواه
احلام لبكره جديد
بس انقلب ماساه
عينى على أمه
شالت كتير همه
واما انفرد عوده
وسندها بوجوده
سال ع القضيب دمه
الجرح جوها
يصرخ بعلو الصوت
ياابن قلبى ياغالى
اخدك من عينى الموت
ولحم الجدع يبنطق
ماتحزنيش يااما
لمى لحمى اللى باقى
وقطعى اوراقى
اتبعترت اشلائى
تحت القضيب غمه
حسى انعدم اسمه
قولى لحببتى خلاص
ابنى انهرس جسمه
كان حلمه يبقى عريس
بس اتعجن لحمه
وكانه لحم رخيص
عينى على الغلبان
قلبى مليان احزان
ينزف على جدعان
مذكوره فى القرآن
اتحسرى ياامه
ابنك رسم الطريق
بلحمه وبدمه