مجلة رؤيـة قـلـم

 

مش هبكي تاني
علي اللي اتقتل
خلاص العين نشفت
دموعها...
مش هبكي تاني
وكل يوم قتيل بيتقل
والسما دخان
ومفيش مطر..
فى بس دمعه حايرة
خايفه من السقوط
للي لسه هيتقتل
يمكن تبرد نار
الرصيف اللى اتحرق
او تنبت زرعه
هربه من وصولها للمقبرة
مش هتكون زينه مجرده
او رمز للى اتقتل
مش هبكي تاني
على اى حاجه بتتعمل
انا هبقي كفيف
اصل العيون ابيضت
من دموعها اللى اتهدر
مش هبكي تاني خلاص