يا وبور يا مولع بقلم : وفاء أحمد

 

 

يا وبور يا مولع حط الفحم
دلوقتى بتطلع و تشتهى الدم
و الناس كل شويه تجرى و تتلم
و على اهلها تدور و للحم تلم
يا وبور يلى صابك الجنان
يا ريت ترجع بقى زى زمان
و بلاش تكون دايما لدمنا عطشان
و تمشى عدل ع القضبان
و بلاش تموت فى الانسان
قول للعامل ميبقاش كسلان
قول لسواقك ميبقاش نعسان
و خلى بالك من المزلقان
ارجع من تانى و على الصوت
رايح جاى بتقول توت توت
و دايما تجينا فى ميعاد مظبوط
بلاش صفارتك تنادى بالموت
اجرى و عدى كل المسافات
لكن خد بالك من العجلات
و اربطها كويس العربات
و لا انت عاجبك كتر الحكايات
و يرتبط اسمك بالاموات
و بدل الناس متروح البيوت
تروح القبر محمولة فى تابوت
مبقيتش خلاص غلطة و تفوت
لان بقى فيه ارواح بريئه بتموت

وفاء