احداث ما بتنتهيش بقلم/ ابراهيم الغنيمي
يا عقول غافلة بتتهاون ------------ ودمها بيرووح فتييس
لا حب ولا حتي تعاون ------- والغالي بقي سعره رخيص
عاملين نفسنا فاهمين ------ وماشين في سكة ابليس
وناسين القيم والدين ------------------- وحالنا زيه مفيش
الأخ بيقتل أخوه ----------------------- وكأن معاه ترخيص
وتتحصر أمه و ابوه --------- علي زمان فاكرينه ما يجييش
وبلادنا تدفع التمن --------------- علي شئ ما بينتهيش
ونضيعوا معاك يا زمن ----- ويا خوفي علي رغيف العيش
فيه ناس مش لاقية قوتها -------- وعايشة ع البقشيش
ليه ندوسها وليه نفوتها ؟ --------- ولا كتير عليها العيش؟
يا ناس فوقوا شوية ----------------- غير مصر ما نلاقيش
خلوها عايشة ودايمة --------------- دي وطن زيه مفيش
ليست هناك تعليقات