القسمه والنصيب بقلم : سميره الاسريجى

القسمه والنصيب
-----------------------
غمض عينك وانسى امبارح وافتحها على بكره جديد
امبارح عدى باحزانه يمكن بكره ها ييجى سعيد
غمض عينك وانسى الدنيا واسرح فيها مع ناس تانيه
ناس بتحبك ناس عايزاك عايزه تعيش العمر معاك
خد احبابك بين احضانك مهما هاتكبر عيش فى شبابك
والافراح افتح لها بابك
عيش احلامك جوه عيونك وانسى جنونك وانسى ظنونك
غمض عينك وافتح قلبك حب الدنيا اكيد هاتحبك
واوعى الدنيا فى يوم تلعبك مهما هاتأسى او تغدربك
اوعى تسيبها تسود قلبك
غمض عينك عيش اشواءك حب حبيبك حب حياتك
عيش فى الثانيه احلى ساعاتك وانسى همومك وانسى اهاتك
لو ماقدرتش يبقى ده عيبك والاحزان عمرها ماتسيبك
اشبك ايدك ويا حبيبك سيب الحزن وعيش هايسيبك
وارضى بقسمتك ونصيبك
============
سميره الاسريجى
(مامانونه)