أنا أسف بقلم / سحر سعيد
ياحرة قومي
ولملمي ولادك
جولك على معادهم
كوني على معادك
قومي افتحي حضنك
وخديني جواكي
امسح دموع قلبي
بشوفتي لملامحك
ترد فيا الروح
وتقول أنا مسامحك
انا الأمل ال متشعبط في قشيه
وعشقك نبض جوايا
وشمسك نور لأحلامي
ونيلك دمي وهوايا
انا سندك وسنداني
يابسمة في وسط احزاني
مفيش غيرك بيسعدني
ولا كسرني وبكاني
ياوردة شوك في بستاني
لكنك مالكه وجداني
وشيفك انتي احلاهم
ومهما الكره قساني
هقول عاشقك
ومش راح ابيع
ابيع نفسي أبيع أمي
أبييع عمري واحلامي
أبيع أزاي؟؟
دامهما يطول سواد ليلك
فبكره جاي
لانا جاحد ولا عواد
ولو عملولي الف مزاد
ترابك عدى وزني وزاد
أنا أسف على التوهه
على النسيان
ومن بكره اناجايلك
وناخد بعض بالأحضان
ليست هناك تعليقات