كلام ** بقلم : وفاء أحمد
فيه كلام اوقات يتقال
و من كتر ما هو جارح
تحسه كانه يهد جبال
و فيه كلام يتشاف
جوه عيون
و تحسها كانها بتقول موال
و فيه كلام تحسه الروح
من غير توضيح
و فى كل مكان معاها يروح
و فيه كلام رقيق و رومانسى
و لكل هموم الدنيا دى ينسى
و فيه كلام تقراه يعلمك الحب
و لما تحسه تعرف يعنى ايه
ينشغل القلب
حتى من غير ما يكون فيه سبب
و فيه كلام تحس فيه بجمال
اللى كاتب
كانه حاسس بيك
و على مشاعرك بيحاسب
و فيه كلام تحس كانه
بيعبر عنك
و كان اللى بيكتب ده
شايفك و سامعك
و قريب اوى منك
و فيه كلام ما ليه اول و لا اخر
و يحرق زى النار
ما تملكش لما تسمعه
غير انك تقول الله اكبر
و يا ساتر
وفاء
ليست هناك تعليقات