ظلمت نفسي / سحر جمال

بقلم / سحر جمال حبيب

 

ظلمت نفسي ظلم كبير
مرحمتِش يوم دموع عنية
...

قُلّت اهون من ظلم الغير
وجرحت نفسي انا بإيدية

حرمت نفسي مِن الحياة
مِن لحظة حـُـب وِ ِحـنية
بقول الآه مكتومة في قلبي
ودموعي فِ عيوني مِدّارية

ظلمت نفسي ومش ندمانة
مهما جراحي تِألــــم فية
عشان قلوب عايشة عشاني
مَوِّت قلبي من غير دِيــة

أنا بعِت قلبي بأرخص تمن
رغم الفراق كان صعب علية
ودعت قلبي مِن سنين
و دقـــاته كانت بتِحـــن لية

عايز يقوللي خَليني جنِبك
اسكن حُضنِك و لو شوية
اسكت ياقلبي بلاش تلومني
بلاش تقسىَ انتَ علية
اوعىَ تقوللي انتِ الجاني
و الله يا قلبي انا الضحية