مش كفاية كدة... بقلم : منصور منتصر

مش كفاية كدة...

................
أدناكم صوتنا


وقولنا بني أدمين..

وكان أملكم

الحكم من سنين

وعدتونا ..وعود كتييييير

وقولنا إنكم صادقين

وبدأت بشايركم تهل..

قصف أقلام..قفل جرايد

واللى يصرخ

يكون من الكافرين

حتى الريس ..ينزل قرار

تاني يوم يرجع فيه

هو أحنا فين

وعدتونا بمحاكمة الفاسدين

وأنهاء دولة الظلم والظالمين

طلعتوهم براءة

وطلعنا إحنا المتهورين

قلتم نحكمكم بالشرع والدين

كفرتم كل شىء..

وطلعتونا كافرين

في عهد المخلوع

حرمتم الربا

وف عهدكم حللتوه

كنتم في عهده بتصرخوا

و ف عهدكم

..صوتنا عايزين تكنموه

هتعملوا إيه معانا...

أكتر من اللى بتعملوه

تلاتين سنه وإحنا

مسيرين قطيع بتهشوه

تلاتين سنه نقول ..

حاضر ونعم

وحق الغلابة بتنهبوه

قلنا أخوان يحكمو..

يراعو الشعب ويفهموه

يحضنوا البلد

اللي وجعها ما سمعوه

ولا حتى جرحها داوتوه

لجل الكرسي

بالكدب والخداع والغش إحتلتوه

كنا فاكرنكم مننا ..من دينا

من توبنا واصلنا..طلعتم

ما تعرفوش المصري ..

ولا هتفهموه