لابس طرطور ..بقلم الشاعرة / عزة فراج

 

بقلم/عزة فراج

 

لابس طرطور؟
طب ما تجرب تمشى لابسه فى عزالنور
ولا خلاص احنا اتعودنا نكشف راسنا....مفيش مَستور
الطرطور كان لابسه زمان أراجوز مشهور
كان بيدمع واحنا بنضحك ونصقف له بكل سرور
...

أما زمانا اللي محيرنا فيه مليون أراجوز بيبَكى الخَلق ويضحك على المكسور
الاراجوز كان لابس بدلة فيها كام رُقعة وكان مَستور
أما صاحبنا فى ايده مصيرنا... قاعد واحنا فى ساقية ندور
طب وازاى نرفض ونثور؟؟؟؟
وكتير منا بيجرى ويلبس مييت طرطور
عايز تلبس .... روح واتعلم من أراجوز ماشي طول عُمره جنب السور
تخبط فيه الدُنيا ....يُصرخ دَمعه بيجرى بحور وبحور
بس بسرعة يرجع يضحك ...يُرقص ... ما هو أراجوز وبمعنى الكلمة ...
حالف يملى كلامه سطور..........