هي وهو ,,,, بقلم أ / محمد لبيب مصيلحي

بقلم / محمد لبيب مصيلحي

 

هى
...

انت أستنى مكانك
بحروفك وبهمساتك
لا متتقربشى وأبعد
وأبعد بقصايدك من ادامى
وبأشعارك وبكلامك
لاتذكرنى داخل اوراقك
فاهمة انو ياحبيبى ليه
وبتتغزل فى حسنى وجمالى
وامشى بصورتك من ادامى
ولا تخليها مرسومة فى عينى
ابعد شايفاك بتقرب
وبتحاول تمسك ايدى
وهاتبوسنى من خدودى
أبعد من ادامى
وارجع ورا خطوطى
رسماها اهى ادامك
احمر وبخطوطها عريضه
حاسه انك بتقرب
أكتر مما أتصور
وبطل تعاكسنى بأشعارك
دنا حاسه بكل كلامك
واياك تقترب من خطوطى
دى أشارتك حمرا يا حبيبى

هو
أستنى عندك أنتى
دنا برسم بس عيونك
وبرسم صورتى بجفونك
وبحرفى بزوق فيكى
وبحاول وانا بين اديكى
تكونى اميرتى ومولاتى
وخطوطك اللى رسماها
باحمر شفايفك ادامى
راح امسحها بدموعى
وهاوصل لقلبك يامولاتى
راح اسكن جوه جدرانك
وهاعيش بين شراينك
والاشارة الحمرا ياحبيبى
قلبت خضرا بعيونى
وكتبت اول سطورى
انى انا العاشق لاميرة
بكل حلاوتها بقصيده
وهالف ورقها بعمرى
واقدمها مهرك على ايدك
ماتيجى امسك ايدك
وابوسها يوم عيدك
حتى بصى لعيونى
هاتلاقى صورتك بعيونى

هى
كنت فين من سنين
ووحشنى اوى يا حبيبى
قرب كمان لقلبى
لاشيلك جواه بعيونى
بهنا عمرى راح احبك
بشموخ خلودى بخطوطى
بايدك نمشى لمأذونى