نور عيونى .. بقلم: سميره الاسريجى
اذاى تشوف النوم عيونى
قبل مااطمن عليكى
عايشه انا عمرى بحنانك
نفسى حتى اكون مكانك
بس اعمل ايه عشانك
والله انا مابيدى حيله
بدعى لعنيكى الجميله
بدعى ربى للاميره
اللى ربتها بقلبى
اللى بطيبتها اصيله
ربى مايحرمنى منك
ياللى ربى هدانى حبك
كل عمرى اهديه اليكى
وانتى تتهنى بعمرك
كل احبابك معاكى
كلنا كده تحت امرك
وانتى يلا ياملاكى
طمنى عليكى امك
هاتى فرحتنا وتعالى
هاتى يلا اللى فى بالى
دى السعاده مكتوبالى
لما اطمن عليكى
واحضن الفرح اللى جالى
بدعى ربى تعيشى ليا
ياللى اغلى من عنيه
ومش هايبقى كتير عليكى
ومش هايبقى كتير عليا
لما اهديلك عنيه
ماانتى شيلانى فى عنيكى
كل هم الدنيا يهرب
لما تلمسنى ايديكى
وما بتطبطب عليا
قلبى بيشاور عليكى
هى دى يارب اللى ليا
وادعى اطمن عليكى
ياللى انتى نور عنيه
ياللى شيلانى فى عنيكى
============
بقلم:
سميره الاسريجى
(مامانونه)
ليست هناك تعليقات