ايه ذنبنا ... بقلم الشاعرة / جيهان نجم

 

بقلم / جيهان نجم

 

هلِّ الصَّبَاح شِلنَا كُتُبنا
و ابتدينا حِلمِنا
وآدي النسايم هفهفت
سبقت خُطانا و ضلنا
و الشمس ضِحكت بالفرح
سِمعت لنبض قلبنا
و بدأنا رحلتنا الطويلة
و القدر خَدْ حِلمنا
إيه ذنبنا.. إيه ذنبنا.....!!
تاه السؤال بين العيون
المليانين حزن وقسى
و الأمهات اللي بتنبش
عالولاد صبح و مِسا
و قلوب بتبكي م المرار
اللي محوَّطْنَا و رسى
و الدمع حَجََّرْ في العيون
و الدم لونه ما يتنسى
إيه ذَنبِنا.. إيه ذنبنا.....!!