حب إيه ... بقلم الشاعر / طه علي عبد الحميد

بقلم / طه علي عبد الحميد

 

حب إيه اللي انت جاي تقول عليه
انت عارف قبلا معنى الحب ايه
الحب ضاع وبقى صعب نلاقيه
كل واحد بيفكر في نفسه
...

ومش حاسس باللي حواليه
الحب يعني تضحي وتسامح
مش تحب جمال الشكل والملامح
الحب يعني
انك تكون عايزني سعيد
وانا جنبك او عنك بعيد
انك تحميني وتحسسني بالامان
الحب مش بس كلمه تتقال باللسان
الحب يعني
تفهمني وتحس بيا
تفهم كلامي من نظرة عنيا
الحب يعني
تحبني لذاتي
مش تحب فلوسي وممتلكاتي
الحب انك تصوني وما تخونيش
هتلاقيني معاك وعلى اي حال هعيش
ولا تجرحني ولا تهيني
ومهما كنت بعيد يكون قلبك قريب مني
عرفت ايه معنى الحب ايه
ولا لسه مش فاهم معانيه
مهما كتبت عنه ما تخلص معانيه
ودا اللي قدرت اقولك عليه
الحب ليه معاني كتير
الكلام عنه يدوم سنين
رغم انه من حرفين
لكن كل حرف له بدل المعني ملايين