ناس بتتعب ناس ... بقلم أ / عزة فراج

بقلم / عزة فراج 

 ناس غاوية تتعب ناس
وبريئة م الاحساس لو جه عتاب ليها
طب ليه أنا أشكى وأقول
ولا عارفة مين مسئول عن مُر داب فينا
...

لملمت كل جراحى وقلت أداريها
هو اللي كان السبب فيها... حاسس بمعانيها؟
هقفل عليها جدار وأحاول أداويها
هدوس عليها بقسوة لاجل ما خليها
تطرد سموم لوزادت غُلب الطبيب فيها
مش هقضى ع اللي بيها
أنا لازم أبقى عليها
وأسيب ولو ذرة ...
كُل ما أشوفها أقول
أهو حالى ده كان يوم
مش كُل مرة تهون ولا تسلم الجرة