فوق يا وطن .... بقلم أ / محمود وحيد

بقلم / محمود وحيد

 

فوق يا وطن""
لملم ولادك
يا وطــــــــــــن
غزة بتدفع
فى التمـــــــــن
...

وف سوريا مش
لاقيين كفن
وعراق من الغدر
انطحـــــن
وصومالى بالجوع
اندفــــــن
والمصرى من محنة
لمحــن
هو انت سامع
يا وطـــــــــن
ولا عشقت تعيش
وثـــــن؟؟

""فوق يا وطن""

اخلع بقى توب
السكــــــوت
واطلع يا وطنى
من التابـــوت
جرب يكونلك
مرة صــــــــوت
لو لسة حى
ليه تمــــــــوت؟
العزة مش هدمة
وقــــــــوت
ولا لوحة مضمونها
الثبـــــوت
العزة معناها
نمــــــــــــــوت
لكن عشان
يحيا الوطـــــــن
""فوق يا وطن""
فوق يا وطن كفاياك
نحــــيب
كتر البكا ما بقاش
يجـــــيب
والصبر ع الذل
مريـــــــــــب
سهم العدا عمال
يصيــــــب
والاقصى عن وطنه
غريــــب
بينادى بس مفيش
مجيـــب
ضعفك يا وطنى
مش نصيب
كفاياك تبرر
فى الوهــــــــن

""فوق يا وطن""
يا وطنى قوم شد
الرحــــال
اذن ونادى ع
النضــــــــــال
خلصنا من شبه
الرجــــــال
ريحنا من اهل
الضــــــــلال
ضيعت عمرك فى
الجـــدال
وسلام حقيقى
كان خيـــال
ارجع دا نصرك مش
محــــال
حطين بتنده
من زمــــــــن