فينك ياريس ... بقلم الشاعرة / احلام حلمي

بقلم / أحلام حلمي

 

فينك ياريس؟
ياللى قالو عليك كويس
مشفتش منك غير حواراتك
وحلو خطاباتك
وعبادتك وصلاتك
وانا جعان
ومش عشمان
فى اللى زى حلاتك
انك تنهض بيا
دى كدبه كبيرة كذبتها عليا
وانتخبتك ويارتها كانت اتشلت اديه
كل صلاة بتصليها بندفع تمنها من دمنا
اللى يعوزو البيت يحرم على الجامع ياشيخ ارحمنا

خايف مننا ابعد عننا
احنا مش وحوش
زى حاشيتك مابيرحموش
مابلاش تلعبو علينا شغل حلق حوش
وحوش اللى بيحصل فى سينا
بينهبو ارضينا
دمنا بيتنزف قدام عنينا
واحنا لابينا والا علينا
والقاتل والقتيل
الاثنين ضنا النيل
واحنا ومش فهمين
مين بيضحك على مين؟؟؟؟
ههههههههههههههههههههههه
مين بيضحك على مين؟؟؟؟؟؟؟؟؟؟؟؟؟