صدقيني ... بقلم أ / هشام عوض

بقلم / هشام عوض

♥♥♥♥♥♥♥
لما اقول اني بحبك صدقـــــــــــيني
لما اخاف ف يوم لزعلك صدقيـــــني
لما اعيش مرار ف بعدك صدقينـــــي
...

لما تيجي تقولى خنتك تظلميــــني
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
ليه بكلمه تخلى بينا سور عليـــكي
ليه بفكره مش حقيقه خوف ماليكي
دا الغرام اللى في قلبي كله ليــكي
خوفي ان اليوم دا ييجي وتفوتينـــي
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
فتشي في كل قلبك عن غرامـــــي
اسئليه ان كنت احبك عن كلامـــــي
فكريه بكل ذكرى وبهيامــــــــــــــي
بس شكك لو يطول تقتلــــــــــــيني
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
مين في حسنك او دلالك هنلاقيــها
ولاخصله من خصالك طبع فــــــــيها
ولا جمرة نار فـ قدك ماشيه بيــــــها
منتى كلك على بعضك تعجبيـــــني
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
عارفه ان الناس عليكي يحســدوني
مانتي عندي ماليه قلبي وبعيونـــي
ياللي بسمه من عيونك يسحـروني
انسي كل اللى فـ ظنك واحضنينــي
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥