عنيك بقلم : وفاء أحمد

تعرف انى باتوه فى عنيك
صدقنى بجد و ما اخبيش عليك
اول ما ابص فيهم لثوانى

باتوه من حالى
و مبعرفش ايه اللى بيجرالى
زى ما اكون غرقت فى بحر
من غير شط
و كل ما احاول اطلع
انزل تحت
و كل ما اقول لنفسى ما تبصيش
عيونى بتجرى عليك و ما تطاوعنيش
ابصلك تانى و اتوه من تانى
و بانسى الناس و بانسى زمانى
و المشكله انا باعشق فى عيونك توهانى
و باحس ان انا فاقده التركيز
و برغم الحيرة ده شعور لذيذ
و تقولى طيب ليه ساكته
هو انا يعنى ع الكلام قادرة
ده انا حتى روحى بتروح منى
لما تقولى طب قربى جنبى
و بالرغم ان انا جوايا كلام
ميكفيهوش ساعات و ايام
اول ما ابص لعيونك بانساه
و حتى اسمى ما بابقاش فاكراه