من كرامة العرب .... بقلم ضياء الأدريسي

بقلم / ضياء الأدريسي

 

بشتاقلها
والشوق قاتلني ف بعدها
من بعدها

وانا دمي سارح ف المساجد
والبيوت
مين قالها إني جبان
خايف أموت
من أجلها
بشتاقلها
كل اما فجر يدق باب
وقت اما اشوف الشمس بتشق السحاب
كل اما تنبح الكلاب من بعدها
*********بشتاق لها
حتى اما اشوف الطفل مرمي عالرصيف
من كوم زبالة لسه بنجيب الرغيف
واليل كفيف
أبكم أصم
لا يوم يغار
ولا عنده دم
ولا كان حسيس
ديمآ خسيس
بيدوس كرامتي بجزمته
يبقى الرضا ، إيه لازمته
لو حتى كان بكنوز قارون
لساني صامت ، والعيون
تنزف دموع على خدها
********بشتاق لها
كل اما اشوف الطير بيسبح
ف الفضا
كل اما اشوف الزرع فرحان
بالندى
كل اما اشوفني هناك بعيد
وماليش ف لعب النردشير
حلمي كبير
إني ابقى واحد منهم
من حبهم
لو دخلو حجر الضب ادخل
بعدهم
علشان اسير
من بعدها
بشتاق لها
مشتاق لحضن اضمها
تبوس حدودي بخدها
كل اما بذكر اسمها
بشتاقلها