يا مصر ... بقلم أ / مصطفى سعيد عوض الله

بقلم / مصطفى سعيد عوض الله

 

يا مصر مالك كده زعلانه؟؟متزعليش

بكره هترجعى أم الدنيا متقلقيش
...

هتدور مصانعك ويجري نيلك متخافيش

طول ماحنا فيكى روحنا ليكى متحزنيش

فيكى ناس.. لا مش ناس دول بشر ما بتختشيش

وقعوا بينك وبين ولادك ولا حد لاقي رغيف العيش

حرقوا الاراضي وعاملين قواضي ولا عايزين حد يعيش

معرفش مالهم ايه جرالهم نسيو ان بينا ملح وعيش

لكن خلاص هما اللى بدأو والحق هو ال هيعيش

وساعتها نضحك والبسمه ترجع والرفعه ترجع تانى ليكى

بس احنا نصحى ونلحق ننادى ونحط ايدنا تانى فإديكى

يا مصر لاء متعيطيش بكره جاى متقلقيش

هتدور مصانعك ويجري نيلك وبكره تشوفي متخافيش