متفرقيش ... بقلم أ / هشام عوض

بقلم/ هشام عوض

 

قولتى زمان على فرقتى متـقــــــــدريش
قولتى كمان فـ غربتي مبتنمـــــــــــــيش
قولتى كده واديكي غبتي متسئــــــليش

اصلك حسبتي اني فـ بعدك مش هعيش
*****************************
فاكره فـ أول حبنا قولتيـــــــــــــــــلي إيه
قولتي راح أحفظ عهدنا وهخاف علـــــــيه
وهصون هوانا فـ قلبنا دا حـــــــــياتي بيـه
لو حتى غبتي مية سنه ماهتنــــسنيـش
*****************************
وديت عشانك من هنا مراسيل كتــــــــير
كلام وراح شاله الهوى مع كل طــــــــــير
ومفيش سلام أو كلمتين قالوا بخــــــــير
ولا حتى لوم أو باقية ليك ومبعتنـــــــيش
*****************************
مراسيل تروح ترجع تقول إنساه خـــــلاص
يمكن يكون باع الهوى ونسيك خـــــــلاص
أنتَ كمان إنسى اللي كان بينكم خــلاص
كل الكلام بيقول غرام منك مفيـــــــــــش
*****************************
أول طريق لقيته ليكي أنا رحت لــــــــــيه
ناديت ياناس هنا كان حبيبي عترتوا فيــه
قالوا هناك وياوليفه اســــــــــأل علــــــيه
اتاريه دا باعني وكان زمان ميحبنـــــــيش
*****************************
في ناس كتير باعوا الغرام علشان حاجـات
ومفيش معاهم للهوى غير بس هــــــــات
وأنا كنت عاوز حبها وخــــد وهـــــــــــــات
لكن مادمتى في الغرام مبتصونـــــــــيش
*****************************
متفرقيش