وحشتني ... بقلم أ / وفاء أحمد

 

بقلم / وفاء أحمد

 

وحشتنى

كل يوم تقولى وحشتنى؟
اه وحشتنى
و كل لحظه بتوحشنى
...

و مش بس لما تفارقنى
ده انت بتوحشنى
و انت موجود جنبى
بتوحشنى لو سبتنى
و بصيت لبعيد
و لو سبتنى اتكلم وحدى
بدون ما تقولى اكيد
بتوحشنى لو سبت ايدك
من ايدى
بتوحشنى لو غنيتلك
و مقولتليش عيدى
بتوحشنى لو غمضت عيونك
ثوانى
بتوحشنى لو فاتت دقيقه
من غير ما تقولى
انك بتحبنى و تهوانى
و لو مش عاجبك
هاقول من تانى
بتوحشنى يا اجمل هدية
اهدانى بها زمانى