اهداء .... بقلم الشاعر / منتصر منصور

 

بقلم / منتصر منصور

 

الى يد الزمن التى تجرح وتأسىً

الى عجلة الزمن
...

التى تلهب ثم تخمد ثم تنســىً

الينا نحن المساكين من البشر

أبناء القدر

,, ســـــــــــــــــــــــــــــراب ..

شفتك ويا ريتنى ما شفتك

عرفتك ويا ريتني ما عرفتك

مش ده حالك

ولا ده جـمالك

معرفش مــالك

ولا أيه جــــرالك

غيرك الزمن كــــتير

وقلبك للحزن أسير

عيونك تايهه

دموعك حايرة

فاكرة زمان من سنين

يوم ما قابلتك وكلي حنين

كانت لسة

الضحكة على الشفايف

ونبض قلبي الصغير خايف

أول ما شافك يقول حبيتك

في ساعات ملكتى قلبي

حاولت أبوحلك بحبي

أتمنيتك تكونى جنبي

لكن قلبك كان بعيد

بحب تاني كان سعيد

يا لسة بعيد عن التنهيد

أزاى أبتدينا

وأزاى أنتهينا

وأتفرقنا ومشينا

فضلت أحلم بلقائك

وأعيش العمر وياك

ووهب روحي فداك

بت أحلم بالجنة

أتارينى عايش في نار

عايش من غير

مدرى ده ليل ولا نهار

الحلم طال بيا سنين

ما يتحملوه أتنين عاشقين

أتريني عايش حلم كداب

مش مكتوب في كتاب

قلب بكر طماع

في الوهم ضاع

أعزرينى شفتك بقلبي

ما تلومنيش على حبي

مش بأيدى وقلبي مش ملكي

سبيه ..جزاة حبه العمر يبكي

وتانى أتقابلنا وما كانش على البال

بعد ما كان البعد غير الحال
وعينى حضنت عنيك ورجع الموال

عيون دبلانة

ضحكة بهتانة

أعزرينى أن كنت ما عرفتكيش

عن أسمك حتى ما سألتكيش

أنسانة جديدة

بألوان عديدة

جسم همدة الزمن

قلب أضناه الشجن

كتير صرخ بالاّه

ولا حد دواه من الاّه

اّه يا قلبي الحزين

اّه يا زمن لعين

الضحك باكي

والقلب شاكي

ولمين يبكي

ولمين يشكي

ياما سمعتك غنايا

كتيرصرخت بندايا

كان قلبك مش معايا

مش راح أشكي على اللى كان

ولا أفكر يوم في قلب باع وخان

أهو كان حلم وعدى وياك يا زمان

أدعي يا قلبي معايا

يخفف الحزن عليها

ويجفف الدمع في عنيها

ولا ينطفي شمع فى أديها