شوفت بعينيك بقلم : محمد رزق
شوفت بعينيك
بقلم : محمد رزق
----------------------
شوفت بعينيك
الفرق واضح بين حرامى مستخبى
مرعوب وخايف م الجزم والله يا صاحبى
وشريف فوسط صفوفنا واقف كتفه جنبى
شافته العينين دمعت وقالت من حبايبى
شوفت بعينيك
مين كان اسد ما يهاب وكان وسط الالاف
مين كان جبان متدارى كان متخفى خاف
واحد تقى غير ربنا عمره ما خاف
والتانى تعبان لو لدغ سمه زعاف
شوفت بعينيك
ولا الغمامة لسه باقية ع البصر
ولا القلوب صابها العمى
مبقاش يفيد ليها النظر
اصل البصيرة لوعمت
هتشوف قرود زى القمر
وقمرنا تبقاله فعينيك
صورة سراب او طوب حجر
شوفت بعينيك
ولا الغشاوة لسه حاجبه رؤيتك
هتعيش فقير
ولا ناويها تانى تحلى دنيتك
تبقى ذليل
وغفير بليل ياخدك ما تلبس هدمتك
يرميك فسجن
وتانى يوم راح يسألوك عن ذمتك
وتقول دى بح و من زمان
من يوم ما ماتت همتك
شوفت بعينيك
البسمة فوق شافيفنا طلت بالرجاء
ويا الامل اللى اتولد يوم الجلاء
عزيمتنا همتنا مترضى الانحناء
واللى انحنى والذل اظهر له الولاء
نرفع ايدينا لربنا يهديه بدعاء
ليست هناك تعليقات