حمــــــــاة الأمــــــــــة بقلم الشاعر لطفي أمين

حمــــــــاة الأمــــــــــة

... ياشباب امتنا يا غالين ..... نفسى اهمس ليكوا بكلمة

نخلى النظرة فيها تفائل ..... ونؤدى عملنا بذمه وهمه

قبل ما تتوه مننا سكتنا ..... ويهرب مننا شمل الامه

والشارع العربى مايبقاش عربى

نلقاه امريكى ولا فرنسى

وتصير اللغوه مش لغوتنا

والهدمة غريبه مش هدمتنا

باقى اللقمه .... وهى اللقمه اللى تيجى

بمنحه .... نقول لقمتنا ؟

يلا نلحق نفسنا بدرى

قبل ما نلقى شعوب حوالينا

هى بتتقدم .... والعربى لوحده

بضهره .... راجع يجرى

عايزين الثقه ترجعلينا تانى

وصورة العربى تشرح صدرى

وعندنا علماء فى كل مجال

هندسه.... طب ...زراعة ....صناعة

رجال اعمال

ورغم دا كله نسميها ايه

حب الراحة ... او اهمال

العامل الصينى .... للبيت بيجينى بالجلبيه

وفانوس رمضان ....... ومصليه

وموتسكلات ......و.......و........

وعرايس صينى ف الخطة الجايه

واخويا العربى معاه المال

فى الامارات وفى السعودية

وعندنا عمال مهره كتير

فى السودان ومصر بلدنا

فلاحين وصنا يعيه

ومع الوحده هنلقى مزارع

وهنبنى مصانع

ورواج فى السوق العربية

احنا الاولى من اتحادتهم

واتفاقتهم والجات والسوق الغربية

وخدوا بالامر (واعتصموا جميعا )

هتلاقوا غيرتنا .... على كل اخوتنا

نابعه من القلب وأصليه