التواب بقلم : مجدي سالم

 

التواب
بقلم : مجدي سالم
-------------------------

 
العدل بين البشر تاه
ومش لاقين سكته
والقلب بنبضك يا ألاه
بيغني غنوته
انت الحياة لقلوب ملاها الخوف والحَزن
أنت الحياه لبشر تاهت منه سكته
يارب يا مالك الملك
بعدلك ورضاك
ازرع في قلوبنا الخير لكل البشر في الحياه
وامنح قلوبنا بسمه
تختفي بيها الآه
آآآآآآآه من زمان بقولها
لما الدرب مني تاه
لما خدتني في سكتها الحياه
لما ضيعتني في دروبها
لقيت نورك جوه قلبي بينزرع
ويقول تعالى يا عبدي
أنا ليك الإله .
طوق النجاة حوالين رقبتي اتلف
خدني من سكتي للجنه حدف
خدني في طريق من بين الدروب
ملوش وصف
على الجانبين ملايكه
وأنا في النص
فرحانين لما انتهى الذنب
فرحانين على اللي رجع وتاب
فرحانين بشوق الأحباب
والفضل ليك ياربي
ما هو إنت اسمك التوااااااااب .