** عيني عليكي يامصر ** بقلم : بهاء الدين بدوي

** عيني عليكي يامصر **

بقلم : بهاء الدين بدوي

--------------------------

عيني على مصر
واللي جرا فيها ..
حطونا بين قوسين
وفيها لاأخفيها ..
وطيروا الغربان
يعششوا فيها ..
دم الشهيد انهدر
وانغدر بيها ..
والحزن مالي القلوب
وحاميها حراميها ..
وقالوا فيه انتخابات
روحوا صوتوا عليها..
وزورا الأصوات
من بعد ماخدوها ..
ضحكوا على المساكين
بحتتين لحمة
في الفم حطوها ..
والناس غلابة ياعيني
من الغلب أخدوها ..
وطوبة طوبة اتهدت
والفرحة هدوها ..
قعدوا على تلها
بعدن ماخربوها ..
وبقينا بين نارين
ومين يطفيها ..
وقالوا فيه بحرين
دايرين حواليها ..
روحوا اشربوا منهم
والملح ماليها..
صوابعهم الوسطى
في عنينا حطوها ..
وضحكوا ضحكة صفرا
والغل ماليها ..
وطلعوا لسانهم
لكل من فيها ..
والله لو حكموها
ماني راجع ليها ..

*** *** ***