مصرى يتحدّث بقلم : صبرى أسماعيل

 
مصرى يتحدّث
بقلم : صبرى أسماعيل
----------------------
أنا مصرى وإبن النيل--------ومصر تِبقى لى عِنوان
دا انا متربّي في ترابها----وواقف جندى فى الميدان
وبافرح لمّا أفراحها --------تِهزّ الدنيا والوجدان
دانا منكم أنا بيكم-------أنا مصري أنا إنسان

                 *****
ولمّا مصر تنده لي -------------أقول لَبَيك يا بلادي
وأحزن لمّا تتألِّم -----------وبادعى ربنا الهادي
وعاشق زيكم ريفى ---واروح الندوة والنادي
واحنّ لِسيرة الأجداد---وحِلمي زيِكم عادى

                     *****
وبأ فرح لمّا يوم بلدي -------يجيها النصر والتكريم
وعاشق زيِّكم سُـومه------ وكل المبدعين وحليم
واحب العيلة واللمّة -------واسلّم للإله تسليم
واقول ربّى يا ناس واحد-وبادعى زيِّكم يا كريم

                     *****
وشارب زيّكُم م النِيل ------واثور ان جِه عدو يمَك
وفيها دمنّا بيسيل-----------وذاد عنّى وذاد عنّك
ونفسى افرح وزىّ النا-- دا انا همّي كما همّك
دانامنها وبيها اكون ومصري دمّى من دمّك