افرد دراعك بقلم : مجدي سالم

افرد دراعك
مجدي سالم
--------------------------

 
افرد دراعك واحضني
حضن أمك مفيش زيه حضن
في عز البرد بيدفي
وفي الحر نسمه عليله تطفي الجرح

افرد دراعك واوعى تسيبني
مهما اللي كان في قلبك مني
عمر قلبي في يوم ما طاوعني
أقسى عليك ولو بجرح
الحـُساد حوالينا كتير
قاعدين ومستنيين
لحظة ضعف تسبب لينا جرح سنين

افرد دراعك وعلى الصوت
عمر حبك يا مصر مايموت
متقولشي مسلم ومسيحي
ولا هلال وصليب
إحنا الاتنين واحد
شربنا مية النيل
نمنا في حضن القلعة
من أيام أحمس ومينا وصلاح الدين
ياااااااما عدت علينا سنين
والايدين متشبكه متوحده
جرس وأدان في الودان الله عليه
يصحي فينا أحلى سوسنه
يا مصر يا أم الجرس والمدنه
والازهر ابو عمه حمرا
ولادك ايديهم واحده ..
ومتشبكه
في الحياة وفي الصَّلا