مصر بلدنا الشاعر لطفي أمين
مصر بلدنا
الشاعر لطفي أمين
--------------------------
ياحزينه والطرحه السودا لفاكي
والحزن مالي العيون
والحيره واخداكي
بتبصي لولادك ياغاليه
وبتشكي لمولاكي
...
بعد ماكنتي العزيزه
من بعد ماكنتي الحبيبه
أصبحتي في بيتك غريبه
والفرحه هجراكي
ياحزينه والطرحه السودا لفاكي
فتنه وزرعها عدوك
علشان في ولدك يسوك
بعد ماكنتي
في محنه
وربي بفضله نجاكي
...............
بعد ماباعوا اقتصادك
وابنك بيشحت قصادك
.............
بعد ماخربوا بنوكك
وعمروا بنوك الأجانب
ونهبوا وأكلوا حقوقك
وأفسدوا في كل جانب
ومن موتك
ربي أحياكي
ياحزينه والطرحه السودا لفاكي
أحيا شبابك بثوره
زعزعت عرش الطغاه
بدلت سيرتهم لعوره
ووقفلك العالم انتباه
بعد ماكانوا في قصور
من جناين ومن عطور
وبايدهم مقاليد الأمور
بقوا في السجون جناه
أحيا شبابك بثوره
غيرت وجه الحياه
وبيبحث عدوك ف ثغره
تلفت عنه الانتباه
يعمل فتنه في بورسعيد
وحتي في بترولك يقيد
والحقد ملا قلبه وعماه
لازم نفكر من جديد
لازم نفكر من جديد
اتحادنا هو الحـــــــــــــــــــل
وأمـــــــورنا قبل ماتخـــــتل
ومرضنا يهــــــرب من دواه
اخلص برأيك للي خلقك
وبص قيلك للي سلفك
وربك بيدبر أرضه وسماه
عايز رياسه
عايز اماره
وبتجري وتملي
في استماره
ما سألتش نفسك
ايه العباره............ ؟
ووخداك في أي
أتجاه.........ش
ليست هناك تعليقات