أمنيات مواطن مصرى { صلاح سيف }

 أمنيات مواطن مصرى  

نفسى فى العام الجديد...                 العرب تلبس جديد
يظهروا فى صورة حلوة...                    صورةغاية فىالجمال
يبقوا وحده وأمه واحده...                  أمنية ماهيش محال
نفسى تغريد البلابل...                     يبقى أنشودة سلام
انتى يامصر الكنانة ...                    بدر ساطع للأنام
نفسى مايبقاش حروب...                والديار تصبح عمار
نفسى أشو مجد العروبة..               فى تقدم وازدهار
نفسى أشوف دور العبادة..              فيها كل المؤمنين
اللى راكع واللى ساجد..                لك يارب العالمين
نفسى أشوف عمال بلدنا                فى المصانع سهرانين
والزراعة فى الغيطان..                خير أيادى الفلاحين
نفسى أشوف الفرحه دايما..           فى وشوش الشغالين
والبنين ويا البنات...                   فى المدارس مبسوطين
نفسى أشوف سعر الفوزته.            .للطبيب ترخص شويه
والدوا.أسعاره تهدى...                 والبلد تصبح قوية
نفسى أشوف قمح الرغيف..          .زرع بلدى المصراوية
والمهندس والمعلم...                   يبنوا أجيالنا اللى جاية
نفسى فى القرن اللى جاى ..         نبقى ناس متحضرين
نفسى أغنى غنوة هادفة...            تسعد القلب الحزين