حروفك نغم بقلم : مجدي سالم
حروفك نغم
بقلم : مجدي سالم
------------------------
دايما برسم حروفك نغم
وعيدان من الأرض الطيبه
وأجيب لك القمر عناقيد متزوقه
والشمس نشرها ضوءها من بعيد
خايفه لتحرقك
ابكي واضحك في نفس واحد
ياللي انتي متزوقه للعيد
يجي القدر في لمح البصر
يخطف فرحة العيد
قومي واقفي على حيلك
لسه المشوار طويل
ايه يعني ابنك لما اتخطف
لسه ليكي غيره ملايين
يحلفوا برب السما والقمر
ليعملوا ألف عيد وعيد
وينشروا في سماكي
جواكي وبراكي
دي مصر أمنا محفوظه ليوم الدين
ليست هناك تعليقات