قصيدة وهانوا عليك بقلم / محمد مصطفى صالح رزق

قصيدة وهانوا عليك
بقلم / محمد مصطفى صالح رزق

-----------------------------

أخوك اللى انضرب بالنار
ودم شهيد بيجرى انهار
وعين احمد وعين مينا
وغيرهم مَرمى ورا أسوار .........
ركعت أوام نسيت ناسك
وإن الكلمة من راسك
وحرية بنبنيها
وضاع فسبيلها ياما اعمار

وهانوا عليك
سنين عشناها فالضلمة
نصادف كل يوم ازمة
خراب ودمار
ومش لاقى تمن جزمة
وفِل رصيدة بالدولار

وهانوا عليك
دخلت اللجنة بإرادتك
تعلم ع اللى باعونا
نسيت ليه سيف وبنونه
بأرواحهم بيفدونا
ونكران الجميل ردك
تساند فاللى قتلونا

وهانوا عليك
هترجع بينا من تانى
لعهد الظلم ونعانى
ويتكافئ قليل الاصل
ويبقى القِلَة متفانى

أخويا ... مصر بتنادى
تعيشوا فأرضى يا ولادى
بعزة ... كرامة .. حرية
يموت المخفى جلادى.........
بقلم / محمد مصطفى صالح رزق