آآآآآآه يا علم بقلم : عزة راجح

آآآآآآه يا علم
بقلم : عزة راجح

-------------------------------


آآآآآآه يا علم
عايش بتتحدى الألم
عايش بتنزف .. والجراح
بتقطعك بين الأمم
وانت الأصيل ...
بتداري جرحك .. والعليل
بتمد إيدك تسعفه
وتلفلفه
بمحبتك تسقيه
وقلبك ينصفه
وتقيم له بيت على ضفتك
رغم الألم
رغم الجراح
تحبس ف قلبك دمعتك
وتطير تحلق في السما
واحنا هنا
لسه بنكتب قصتك
لسه بنفهم حكمتك
من نجمة عاشت مغرمه
في عنيك
ومن فروسيِّتك
قالت مكانك عندنا
لا ف يوم هتنزل أرضهم
ولا تنحني لعدوهم
عرشك يا غالي ..
عرشنا
بين النجوم ,,, بينا هنا


بأيدي الشرفاء .... لن ننحني —