.((( عداك العيبــــــــــــه ))) ((بسام مخيمــــــــــــر))

    .((( عداك العيبــــــــــــه )))

((بسام مخيمــــــــــــر))

ـــــــــــــــــــــــــــــــــــــــــــــــــــــــــــــــــــ

والله وعداك العيبه يا واد يابن اللعيبه

دخلت علينا بحركه حريف ياخى جتنه خيبه

قلت الثوره حمينا وطلباتكوا اكيد فى عنينا

واحنا اللى راح نحاكم راس النظام بادينا

دخلته مركز طبى وعاملته كأنه الريس

طياره تجيب وتودى والنعمه يا سيدى كويس

قال قمنا بثوره قال دالشعب اكيد بيهيس

وسبته حر طليق لحد ما روحه تطلع

واهو يبقى ربنا اخده ولا عاد محاكمه تنفع

قلت بنعمل ده كله على شان فلسكوا ترجع

يا ناس حد يقولى هو اللى يروح بيرجع

ده لو حرامى سرق رغيف ياكل ضرب اما يسبع

اما اللى سرق البلد متساب فيها يبرطع

ويقولوا عملنا ثوره بالزمه ده برضه ينفع

وانا اللى كنت فاكرك عيره ودهب قشره

اتاريك طلعت راجل وتمرت فيك العشره

بس جهزلك اجابه لما تدخل جوه قبرك

ويسألوك ايه هوه دينك ويسألوك من هو ربك

واوعه تغلط فى الكلام زى ما نطقت فى شهادتك

انت قلت شهاده وناسى ان فيه ملايكه بتكتبلك

شاعر القريه ... ((بسام مخيمــــــــــــر))