إحنا بقلم/ياسر الحسينى
إحنا
ولحظة تصيغ ملامحنا
على أنغام خطاوينا
نعدى نفوت هناك وإحنا
حنين جوانا لاقينا
بكل الشوق جوارحنا
تاخدنا فى سكة ترضينا
ونور فى القلب لامحنا
علشان حاضن معانينا
يرد النور على ريحنا
ومهما بعيد بترمينا
ياخدنا النور ولو محنة
بطيب حضنه يقوينا
كتير عدى وجامحنا
لكن بعده نعود لينا
ياقلب كبير مسامحنا
بروحك جاى تفدينا
عرفنا القلب مادحنا
علشان حضنه بيغنينا
ياسر الحسينى
ليست هناك تعليقات