--- حمدي عودة === شقلباظ === خاطرة - رقم العضوية = 1290 =
=== شقلباظ === خاطرة - رقم العضوية = 1290 =
عايش حياته
اللي فيها
سموم مماته
لنكه عايش
شقلباظ - -
وبإمتياز
مرة تحت
ومرة - -
برضه تحت
مرة صورة
ف برواز
مرة واقف
زي اللوح
(أقصد ازاز)
لابس قناع
مرة ماشي
ظهره فارد
مرة تانيه
بالعكاز- - -
عطشان بيشرب
شوية ميه
تطلع مجاري
أو بجاز
عايش خداع
زي حاله
عايش مجاز
أو بهلوان
ف سيرك الحياة
يوم بالبطاقة
يوم بالجواز
مش فتاكه
كان بيبحث
ف طوق للنجاه
ومن حياته
سنين قضاها
يا ريته خلص
فيها قضاه
بس الوطن
أغلى مناه
ومن حياته
اللي كانت منتهاه
في صباه
وف شبابه
شايف ترابه
كأنه ماس
لكنه عاجز
بس المهم
يروح ينام
فارد عبايه
( أو شوال )
قاعد يلم
كل المواجع
وقهره ف حياته
وصى نفسه
وكمان ولاده
تفضل معاه
ف ذكرياته
وقبل النوم
يقعد يراجع
يمكن يلاقي
وسط الآهات
بسمه كانت
طالعه منه
( غصب عنه )
لما كان بيحكي
حكايته - - -
م أنت مصري
وكل مصري
وسط الزحام
( زحام القرف )
أقصد آلامه
يقعد ينكت
من هم حاله
رغم ذلك
الضغط جاله
والسكر عنده
ساكن ف دمه
مستني ذبحه
ولا همه
ولا تفرق معاه
الناس بتفرح
بالحياة
بس هوه
عاوز مماته
تغير حياته
وعند ربه
أحسن حياة
----------- حمدي عودة
ليست هناك تعليقات