مجلة رؤية قلم / وبحب / بقلم / . عادل_عوف / تحياتي وفاء غريب.....
.
وبحب دماغها الناشفه
والعند اللي مالوش اخر
وإن قالت مرة نفركش
اضحك على الكلمة وطنش
في حاجات لازم تتهمش
وحاجات تعمل مش فاكر
وتفوّت لها كام كلمة
من غير ماتدقق فيها
أصلها شيفاك م الاخر
القلب اللي بيحميها
فطبيعي عليك تدلع
منك تشكي وهتدمع
علشان تصالحها وتسمع
انك متعلق بيها
وإن قالت لا مش عايزه
تبت جدا و إرغمها
ساعات بتكون الجايزه
الحضن اللي بيهرمها
فياريت تهدي وتسمعها
يمكن تفهم اوجاعها
في حاجات بنشوفها بسيطة
نوصفها نقول دي عبيطه
ومافيش زيها في خريطة
لكن نجهل أنواعها
بتسيب في النفس مواجع
وبتكسر حجر الود
بالليل وسيادتك راجع
إفرد وشك
خد ورد
هتلاقى الحال اتغير
وهتسمع احلى كلام
الورد مالهش مناسبة
ولا سعر الوردة بكام
.
#الحضن_اللى_بيهرمها
#عايزة_ورد_يا_إبراهيم
#احلى_الأوقات
ليست هناك تعليقات